खड्गकाली मा.वि.मा नेपाली श्रुतिलेखन र वादविवाद प्रतियोगिता सम्पन्न

खड्गकाली मा.वि.मा नेपाली श्रुतिलेखन र वादविवाद प्रतियोगिता सम्पन्न

प्रथम पटक प्रकाशित : Friday, August 29, 2025

​श्री खड्गकाली माध्यमिक विद्यालय, चापाकोट न.पा. ४, घुर्लिचौर, स्याङ्जा मा २०८२ भदौ १३ गते शुक्रबार बालक्लबको आयोजनामा शुक्रबारे अतिरिक्त क्रियाकलाप अन्तर्गत नेपाली श्रुतिलेखन र वादविवाद प्रतियोगिता सम्पन्न भएको छ।

प्रतियोगितामा कक्षा १ देखि ५ सम्मका विद्यार्थीका लागि श्रुतिलेखन र कक्षा ६ देखि १० सम्मका विद्यार्थीका लागि 'मोबाइलको प्रयोग: हानिकारक वा उपयोगी' शीर्षकमा अन्तरसदनात्मक वादविवाद प्रतियोगिता आयोजना गरिएको थियो।

विद्यालयका प्रधानाध्यापक लेस बहादुर खाँणको प्रमुख आतिथ्यतामा सम्पन्न भएको कार्यक्रममा सहायक प्रधानाध्यापकहरू राजेन्द्र बहादुर थापा विशिष्ट अतिथि रहनुभएको थियो भने अन्य शिक्षकहरू अतिथिका रूपमा रहेका थिए।

कक्षा १-५ को श्रुतिलेखन प्रतियोगिता शिक्षकहरू संगीता पौडेल, प्रतिमा मुराव, शान्ति गुरुङ, भूमिका थापा, पवन गैह्रे र अभिषेक अधिकारी लगायतको सहजीकरणमा सञ्चालन भएको थियो। त्यसैगरी, वादविवाद प्रतियोगितामा निर्णायकको रूपमा शिक्षकहरू शिव गिरी, विष्णु पौडेल, र भूमिका थापा रहनुभएको थियो।

कक्षा १-५ को श्रुती लेखन प्रतियोगितामा कक्षा १ बाट पवन वि.क., कक्षा २ बाट सनिशा शाल्मी, कक्षा ३ बाट वर्षा खाँण र विश्वास वि.क., कक्षा ४ बाट विश्व गुरुङ एवम् कक्षा ५ बाट रोशनी खाँण प्रथम हुन सफल भएका छन् ।

यसैगरी, कक्षा ६-१० को वादविवाद प्रतियोगितामा अन्तरसदनात्मक वादविवाद प्रतियोगितामा प्रथम कंचनजङ्घा सदनका परि क्षेत्री र दिवन रनपाल भएका छन् । द्वितीय मनास्लु सदनका इस्मी मल्ल र हिमानी खाँण भएका छन् भने तृतीय अन्नपूर्ण सदनका मेलिना हिताङ र दिप्सन थापा तथा चतुर्थ माछापुच्छ्रे सदनका सलिना के.सी. र रोशन क्षेत्री भएका छन् ।

कार्यक्रमका प्रमुख अतिथि प्रधानाध्यापक लेस बहादुर खाँणले सहभागी विद्यार्थीहरूलाई धन्यवाद ज्ञापन गर्दै मोबाइल फोनको सही प्रयोग र त्यसको दुरुपयोगले हुने फाइदा र बेफाइदाको बारेमा प्रस्ट्याउनुभयो।

रेडक्रसका अध्यक्ष मेलिना हिताङको अध्यक्षतामा भएको उक्त कार्यक्रमको उद्घोषण बालक्लबका सचिव सलिना केसीले गरेका थिए । कार्यक्रम संयोजक अतिरिक्त कृयाकलाप संगयोजक गोकर्ण जिसीले सहजीकरण गर्नुभएको थियो । कार्यक्रमको अन्त्यमा विजेता प्रतियोगीहरूलाई पुरस्कार वितरण गरिएको छ । कार्यक्रमको अन्त्यमा, विजयी विद्यार्थीहरूलाई पुरस्कार वितरण गरी उनीहरूको उत्साह र लगनको सम्मान गरियो।

सबै हेर्नुहोस्

रिक्त पदमा स्थायी शिक्षक सरुवा सम्बन्धी सूचना।

रिक्त पदमा स्थायी शिक्षक सरुवा सम्बन्धी सूचना।

प्रथम पटक प्रकाशित : Wednesday, August 27, 2025

स्याङ्जा जिल्ला, चापाकोट नगरपालिका वडा नं.४ स्थित श्री खड्गकाली माध्यमिक (१–१०) विद्यालयमा मिति २०८२/०६/११ गते देखि रिक्त हुने प्राथमिक तह, तृतीय श्रेणीको शिक्षक पदमा सरुवा प्रक्रिया अगाडि बढाइने भनी विद्यालयको च.नं. ४ मिति २०८२/०५/१२ को पत्रबाट अनुरोध भई आएकोले सम्बन्धित तहमा योग्यता पुगेको स्थायी शिक्षकहरूबाट यो सूचना प्रकाशित भएको मितिले १५ (पन्ध्र) दिन भित्र शिक्षा नियमावलीको अनुसूची १७ बमोजिमको ढाँचामा सम्बन्धित विद्यालय, स्थानीय तह र शिक्षा विकास तथा समन्वय इकाईको सहमती सहित सम्बन्धित विद्यालयमा निवेदन दिन शिक्षक सरुवा सम्बन्धी निर्देशिका २०८१ को दफा १ बमोजिम सम्बन्धित सबैको जानकारीका लागि यो सूचना प्रकाशन गरिएको छ। 

पुनश्चः 

१. तोकिएको म्याद भित्र विद्यालयको इमेल ठेगाना khadgakalischool@gmail.com मार्फत निवेदन पेश गर्न सकिने छ। 

२. म्याद नाघी वा तोकिए बमोजिमको रित नपुगी प्राप्त हुन आएका निवेदन माथि कुनै कारबाही हुने छैन।

सबै हेर्नुहोस्

हरितालिका तीजको अवसरमा स्थानिय विदा सम्बन्धमा सूचना

हरितालिका तीजको अवसरमा स्थानिय विदा सम्बन्धमा सूचना

प्रथम पटक प्रकाशित : Sunday, August 24, 2025

प्रस्तुत विषयमा यस श्री खड्काली मा.वि. चापाकोट-४, स्याङ्जामा भोली मिति २०८२ भाद्र ०९ गते सोमबार स्थानिय विदा राखिएकोले विद्यालयको नियमित पठनपाठन कार्य बन्द रहने व्यहोरा सम्पूर्ण विद्यार्थी, शिक्षक एवं अभिभावकहरुमा जानकारी गराइन्छ ।

पुनश्च : मिति २०८२ भाद्र १० गते हरितालिका तीजको अवसरमा महिला विदा हुने व्यहोरा जानकारी गराइन्छ ।

सबै हेर्नुहोस्

खड्गकाली माविमा तीज गीत तथा नृत्य प्रतियोगिता सम्पन्न

खड्गकाली माविमा तीज गीत तथा नृत्य प्रतियोगिता सम्पन्न

प्रथम पटक प्रकाशित : Friday, August 22, 2025

श्री खड्गकाली माध्यमिक विद्यालय, चापाकोट न.पा. ४, घुर्लिचौैर, स्याङ्जामा २०८२ भाद्र ०६ गते शुक्रबार रेडक्रसको आयोजनामा शुक्रबारे अतिरिक्त क्रियाकलाप अन्तर्गत तीज गीत र नृत्य प्रतियोगिता सम्पन्न भएको छ ।

प्रतियोगितामा कक्षा १-५ मा खुल्ला तीज नृत्य र कक्षा ६-१० मा अन्तरसदनात्मक गायन तथा नृत्य प्रतियोगिता आयोजना गरिएको थियो ।

विद्यालयका प्रधानाध्यापक लेस बहादुर खाँणको प्रमुख आतिथ्यतामा भएको कार्यक्रममा सहायक प्रधानाध्यापकहरू पशुपति पौडेल र राजेन्द्र बहादुर थापा विशिष्ट अतिथि रहनुभएको थियो । कार्यक्रममा विद्यालयका सम्पूर्ण शिक्षकहरू पनि अतिथिका रूपमा रहेका थिए ।

कक्षा १-५ को नृत्य विधामा शिक्षकहरू बिष्णु पौडेल, प्रतिमा मुराव र भूमिका थापा निर्णायक हुनुहुन्थ्यो । त्यसैगरी, कक्षा ६-१० को निर्णायक मण्डलमा शिव गिरी, विष्णु पौडेल र भूमिका थापा रहनुभएको थियो ।

कक्षा १-५ को नृत्य प्रतियोगितामा अन्दिपा परियार प्रथम, कृष्णा थापा र इच्छा मल्ल द्वितीय तथा अस्मिता कुँवर र प्रियङ्का मल्ल तृतीय भएका छन् । उक्त विधामा श्रेना थापाले उत्कृष्ट खुल्ला नृत्य प्रस्तुति दिएकी थिइन् ।

यसैगरी, कक्षा ६-१० को अन्तरसदनात्मक प्रतियोगितामा कञ्चनजंघा सदन प्रथम भएको छ । यस सदनबाट गायनतर्फ परी क्षेत्री, अन्जिता खाँण, अप्सना खाँण, सबिना रनपाल र नृत्यतर्फ आयुस्मा गुरुङले सहभागिता जनाएका थिए ।

द्वितीय स्थान हासिल गर्ने अन्नपूर्ण सदनका प्रतियोगीहरूमा गायनतर्फ अप्सरा थापा, बिबिशा खाँण, मेलिना हिताङ र पूजा गुरुङ तथा नृत्यतर्फ कमला बि.क. रहेका थिए ।

तृतीय भएको माछापुच्छ्रे सदनका प्रतियोगीहरूमा गायनतर्फ बिपना विश्वकर्मा, सलिना के.सी., निस्मा गुरुङ र एलिजा राना तथा नृत्यतर्फ साया गुरुङ रहेका थिए ।

त्यस्तै, सान्त्वना स्थान मनास्लु सदनले प्राप्त गरेको छ । यस सदनमा गायनतर्फ इस्मी मल्ल, नम्रता खाँण, हिमानी खाँण र सन्तोषी थापा तथा नृत्यतर्फ लोकमाया बि.क. ले सहभागिता जनाएका थिए ।

कार्यक्रममा प्रमुख अतिथि प्रधानाध्यापक लेस बहादुर खाँणले प्रतियोगी विद्यार्थीहरूलाई धन्यवाद ज्ञापन गर्दै आफ्नो मन्तव्य र छोटो सांस्कृतिक प्रस्तुति दिनुभयो ।

रेडक्रसका अध्यक्ष इस्मी मल्लको अध्यक्षतामा भएको उक्त कार्यक्रमको उद्घोषण रेडक्रसका सचिव रोशन क्षेत्रीले गरेका थिए । कार्यक्रम संयोजक गोकर्ण जिसीले सहजीकरण गर्नुभएको थियो । कार्यक्रमको अन्त्यमा विजेता प्रतियोगीहरूलाई पुरस्कार वितरण गरिएको छ ।

सबै हेर्नुहोस्