खड्गकाली मा.वि. मा ६१ औं वार्षिकोत्सबको पहिलो दिन विभिन्न खेलकुद कार्यक्रम सञ्चालन
खेलकुदहरुमा अन्तर-सदनात्मक छात्र (पुरुष) भलिवल, चम्चा-गुच्छा दौड, हिसाब दौड, सम्झना खेल र भित्र-बाहिर खेल सञ्चालन भएको थियो । अन्तर-सदनात्मक छात्र भलिवल प्रतियोगितामा कञ्चनगंघा सदन प्रथम भएका छन् । द्वितीय अन्नपूर्ण सदन भएका रहेका छन् भने तृतीय र चतुर्थ हुन सफल सदनहरु क्रमशः सगरमाथा र मनास्लु रहेका छन् ।
कञ्चनजंघा सदनबाट खेलाडीहरु हर्षित सारु (टिम क्याप्टेन), निरज गुरुङ, संगम गुरुङ, बिकास गुरुङ, अस्मित सारु, कृष्णा खाँण, विवश गुरुङ र निशान खाँण रहेका थिए । अन्नपूर्ण सदनका खेलाडीहरुमा दिवान रनपाल (टिम क्याप्टेन), रोहन पुलामी, सोनाम थापा, रोशन क्षेत्री, रोहित पुलामी, दिपसन सारु, अनिस क्षेत्री र नारायण मल्ल रहेका थिए । सगरमाथा सदनबाट विवेक सारु (टिम क्याप्टेन), निश्चल बि.सी., डिम्पल गुरुङ, रिजन क्षेत्री, एलोन गुरुङ, इन्द्र बहादुर थापा, संगम बि.सी. र हिरा थापा रहेका थिए भने; मनास्लु सदनबाट बिष्णु मल्ल, सम्राट सिहं, राज मगर, टेक बहादुर गुरुङ, सुशील खाँण, लोक बहादुर थापा, दिनेश गुरुङ र सहिल सारु रहेका थिए ।
कक्षा १-५ का विद्यार्थीहरु बिच सञ्चालन भएको चम्चा गुच्छा दौड प्रतियोगितामा कक्षा ५ को छात्र प्रथम प्रशान्त रुचाल र द्वितीय कक्षा ५ को छात्र उज्ज्वल खाँण भएका छन् । त्यसैगरी, कक्षा ४-५ को हिसाब दौडमा कक्षा ५ का छात्रा संस्कृति सारू विजयी भएका छन् । कक्षा १-३ को हिसाब दौड प्रतियोगितामा कक्षा ३ का छात्रहरु सजिता कुँवर प्रथम, सुबर्ण थापा द्वितीय र डिनिशा थापा तृतीय भएका छन् ।
सम्झना खेल अन्तर्गत कक्षा ४-५ बाट अत्याधिक शब्दहरु स्मरण गरि प्रथम हुन सफल कक्षा ५ की छात्रा संस्कृति सारू र द्वितीयअप्सन सुवेदी रहेका छन् । त्यससँगै, कक्षा १-५ का विद्यार्थीहरुबिच सञ्चालन भएको भित्र बाहिर खेलमा प्रथम कक्षा ५ की छात्रा संस्कृति सारू र द्वितीय एन्जिला थापा तथा कक्षा ६-८ का विद्यार्थीहरुबाट प्रथम सालनी खाँण र द्वितीय प्रशन्न खाँण भएका छन् ।
प्रतियोगितामा बिजयी सम्पूर्ण छात्र छात्राहरुलाई भोलि ६१ औं विद्यालय वार्षिकोत्सब तथा अभिभावक दिवसको अवसरमा पुरस्कृत गरिने छ ।
