खड्गकाली माविमा अन्तरसदनात्मक कविता लेखन प्रतियोगिता सम्पन्न

आज मिति २०८० माघ ५ गते श्री खड्गकाली मा.वि. चापाकोट-४, घुर्लिचौर, स्याङ्जामा शुक्रबारे अतिरिक्त कृयाकलाप अन्तरगत बालक्लबको आयोजनामा अन्तरसदनात्मक कविता लेखन प्रतियोगिता सम्पन्न भएको छ ।

कविता प्रतियोगितामा कक्षा ४ बाट नजमा सारु, कक्षा ५ बाट शुसन क्षेत्री, कक्षा ६ बाट सदिच्छा कुवँर, कक्षा ७ बाट रोशन क्षेत्री, कक्षा ८ बाट अप्सना खाँण, कक्षा ९ बाट स्मृति बि.सी. र कक्षा १० बाट सीता थापाले भाग लिएका थिए ।

प्रतियोगितामा कक्षा आधारभूत तह (कक्षा ५-५) बाट गण्डकी सदन अन्तरगतका सुसन क्षेत्री, आधारभूत तह (कक्षा ६-८) बाट गण्डकी सदन अन्तरगतकै अप्सना खाँण र माध्यमिक तह कक्षा (कक्षा ९-१०) बाट कोशी सदन अन्तर्गतका सीता थापाले उत्कृष्ट कविता लेखन गरेका छन् । प्रतियोगितामा उत्कृष्ट कविता लेखन गर्ने उल्लेखित विद्यार्थीहरु विद्यालयबाट पुरस्कृत हुनेछन् ।