अभिभावक डिजिटल साक्षरता कार्यक्रममा सहभागी भैदिनुहुन अनुरोध
6/08/2025
6/06/2025
खड्गकाली मा.वि.मा बालिका मैत्रीको आयोजनामा अन्तरसदनात्मक नेपाली हिज्जे प्रतियोगिता सम्पन्न
श्री खड्गकाली मा.वि. चापाकोट-४, घुर्लिचौर, स्याङ्जामा आज मिति २०८२ जेठ २३ गते शुक्रबार बालिका मैत्रीको आयोजनामा अन्तरसदनात्मक नेपाली हिज्जे प्रतियोगिता सम्पन्न भएको छ ।
विद्यार्थीहरुमा शुद्ध नेपाली लेखन तथा उच्चारण क्षमता अभिवृद्धि गर्ने उद्देश्यका साथ उक्त प्रतियोगिता कक्षा १-५ र कक्षा ६-१० गरी २ समूहमा तहगत रुपमा सञ्चालन भएको थियो । कार्यक्रममा प्रमुख अतिथिको रुपमा विद्यालयको प्रधानाध्यापक लेस बहादुर खाँण रहनुभएको थियो भने विशिष्ट अतिथिमा सहायक प्रधानाध्यापक पशुपति पौडेल र राजेन्द्र बहादुर थापा रहनुभएको थियो । त्यस्तै अन्य अतिथीहरुमा विद्यालयको सम्पूर्ण शिक्षकहरु रहनुभएको थियो ।
कक्षा १-५ तर्फ शिक्षक शिब गिरी र भूमिका थापा कार्यक्रम सहजकर्ताको रुपमा रहनुभएको थियो भने शिक्षक संगिता पौडेल निर्णायककर्ताको रुपमा रहनुभएको थियो । कक्षा ६-१० तर्फ भने विद्यालयको अतिरिक्त कृयाकलाप संयोजक 'गोकर्ण जिसी', पवन गैह्रे र अभिषेक अधिकारीले सहजकर्ताको भूमिका निर्वाह गर्नुभयो भने नेपाली शिक्षक दुर्गा पाण्डे निर्णायककर्ताको रुपमा रहनुभएको थियो ।
.jpg)
कक्षा १-५ तर्फ मनास्लु सदनका छात्रछात्राहरु प्रियाङ्का मल्ल, डोल बहादुर राना र विश्व गुरुङ प्रथम भएका छन् । द्वितीय हुने कञ्चनजंघा सदन, तृतीय माछापुच्छ्रे सदन र चतुर्थ हुनेमा अन्नपूर्ण सदन रहेका छन् । त्यस्तै, कक्षा ६-१० तर्फ मनास्लु सदनकै संगम के.सी., नोमिस्का गुरुङ, इस्मि मल्ल, नमन खाँण र विशुम खाँणले प्रथम स्थाम हासिल गर्न सफल भएका छन् । द्वितीय, तृतीय र चतुर्थ हुने सदनहरु क्रमशः कञ्चनजंघा, माछापुच्छ्रे र अन्नपूर्ण सदनहरु रहेका छन् ।
कार्यक्रममा आफ्नो मनतव्य दिँदै प्रमुख अतिथिको रुपमा रहनुभएको प्रधानाध्यापक लेस बहादुर खाँणले यस्ता कार्यक्रमले विद्यार्थीहरुमा भाषिक शुद्धता ल्याउने हुनाले निरन्तर यस्ता कार्यक्रमहरु गरिहनुपर्ने अभिव्यक्ति दिनुभयो । प्रतियोगिता पश्चात् प्रथम स्थान हाँसिल गर्न सफल दुवै तहका विद्यार्थीहरु विद्यालयबाट पुरस्कृत भएका छन् ।
बालिका मैत्रीका अध्यक्ष विपना विश्वकर्माको अध्यक्षतामा सञ्चालन भएको उक्त कार्यक्रम बालिका मैत्रीका सचिव, अप्सरा थापाद्वारा कार्यक्रम सञ्चालन भएको थियो ।
6/03/2025
खड्गकाली भित्ते पत्रिका प्रकाशन (कक्षा - १०) - वि.सं. २०८२ जेठ २० गते मंगलबार
श्री खड्गकाली मा.वि. चापाकोट ४, घुर्लिचौर, स्याङ्जाका कक्षा १० मा अध्ययनरत विद्यार्थीहरुद्वारा प्रकाशित खड्गकाली भित्ते पत्रिका ।
- प्रकाशित मिति: वि.सं. २०८२/०२/२० गते मंगलबार, नेपाल संवत् ११४५ ।
5/30/2025
खड्गकाली मा.वि. बाल क्लबको आयोजनामा अन्तरसदनात्मक हाजिरीजवाफ प्रतियोगिता सम्पन्न
आज मिति २०८२ जेठ १६ गते शुक्रबार यस श्री खड्गकाली मा.वि.मा अतिरिक्त क्रियाकलाप अन्तर्गत अन्तरसदनात्मक हाजिरीजवाफ प्रतियोगिता बाल क्लबद्वारा सन्चालन भएको थियो । कक्षा १ देखि ५ सम्मको एउटा चरण र ६ देखि १० सम्म दोस्रो चरण गरि दुई समुहमा सदनात्मक रुपमा सन्चालन भएको थियो । जसमा कक्षा १ देखि ५ सम्म प्रथम हुने मनास्लु सदन (प्रीयाङ्का मल्ल, विक्रम वि.क., डोल बहादुर सारु र विश्व गुरुङ), द्वितीय माछापुच्छ्रे सदन (रोशनी खाँण, शिव थापा, बबिन गुरुङ र रिदम गुरुङ) र तृतीय कञ्चनजङ्घा सदन भएको थियो । कक्षा ६ देखि १० सम्ममा प्रथम मनास्लु सदन (नोमिस्का गुरुङ, संगम के.सि., बिसुम खांण र नमन खाँण), द्वितीय कञ्चनजङ्घा सदन (दिवन रनपाल, परि क्षेत्री, अंजल कुंवर र निश्चल वि.सि.) र तृतीय अन्नपूर्ण सदन भएको थियो । उहाँहरु सबैलाई हार्दिक बधाई तथा शुभकामना । साथै विजयी सदनका सम्पूर्ण भाइबहिनीलाई कार्यक्रमका प्रमुख अथिती तथा विशिष्ट अतिथि ज्युले टीका तथा पुरस्कार वितरण पनि गर्नु भएको थियो ।
