डिप्रोक्स लघुवित्त वित्तीय संस्थाद्वारा खड्गकाली मा.वि. मा छात्रवृत्ति वितरण
आज मिति २०८३ असोज १४ गते बुधबारका दिन श्री खड्गकाली माध्यमिक विद्यालय (चापाकोट-४, घुर्लिचौर, स्याङ्जा) मा छात्रवृत्ति वितरण कार्यक्रम सफलतापूर्वक सम्पन्न भएको छ।
डिप्रोक्स लघुवित्त वित्तीय संस्था (Deprosc Microfinance Financial Institution Ltd.) वालिङ शाखाको आयोजनामा विद्यालयका दलित तथा विपन्न वर्गका विद्यार्थीलाई प्रोत्साहन गर्ने उद्देश्यका साथ उक्त कार्यक्रम सञ्चालन गरिएको हो।
कार्यक्रममा संस्थाका वालिङ शाखा प्रबन्धकज्यूले विद्यालयको कक्षा ६ मा अध्ययनरत छात्रा रेखा बि.क.लाई नगद रु. ५,०००/- (पाँच हजार रुपैयाँ) छात्रवृत्ति रकम हस्तान्तरण गर्नुभएको थियो।
विद्यार्थीको अध्ययनमा हौसला प्रदान गर्दै सहयोग गर्नुभएकोमा श्री खड्गकाली माध्यमिक विद्यालय परिवार डिप्रोक्स लघुवित्त वित्तीय संस्था (वालिङ शाखा) तथा शाखा प्रबन्धकज्यूप्रति हार्दिक धन्यवाद एवम् आभार प्रकट गर्दछ।
