चापाकोट शिक्षा शाखाद्वारा सहजीकरण, अनुगमन एवं सुपरिवेक्षणका क्रममा लिइएका केही तस्बिरहरू
आज मिति २०८३ असार २ गते मंगलबार चापाकोट नगरपालिकाको शिक्षा, युवा तथा खेलकुद शाखाद्वारा आयोजित विशेष कार्यक्रमअन्तर्गत श्री खड्गकाली माध्यमिक विद्यालयमा विद्यालयस्तरीय असल अभ्यासहरूको पहिचान, आदानप्रदान तथा शिक्षकहरूको पेसागत विकासका लागि एक महत्त्वपूर्ण सहजीकरण, अनुगमन एवं सुपरिवेक्षण कार्य सम्पन्न भएको छ ।
यस अवसरमा शाखा प्रमुखज्यू लगायत विभिन्न विषयगत विज्ञहरूद्वारा विद्यालयको भौतिक पूर्वाधार र शैक्षिक गतिविधिहरूको गहन अवलोकन एवं समीक्षा भएको छ । विद्यालयको वर्तमान अवस्थाको सकारात्मक मूल्याङ्कन गर्दै शैक्षिक गुणस्तर अभिवृद्धिका लागि प्राप्त अमूल्य सुझावहरू, मार्गदर्शन र हौसलाप्रति सम्पूर्ण विद्यालय परिवार अत्यन्त आभारी छौं ।
हाम्रो विद्यालयको शैक्षिक सुधारका लागि देखाउनुभएको तत्परता तथा प्रदान गर्नुभएको रचनात्मक सहजीकरणप्रति शिक्षा, युवा तथा खेलकुद शाखाका प्रमुखज्यू, विज्ञ टोली तथा सम्पूर्ण सम्बन्धित व्यक्तित्वहरूप्रति यस विद्यालय परिवार हार्दिक धन्यवाद एवं उच्च सम्मान व्यक्त गर्दछ ।
