खड्गकाली भित्ते पत्रिका प्रकाशन (कक्षा - १०) - २०८१ असोज १६
श्री खड्गकाली मा.वि. चापाकोट ४, घुर्लिचौर, स्याङ्जाका कक्षा १० मा अध्ययनरत विद्यार्थीहरुद्वारा प्रकाशित खड्गकाली भित्ते पत्रिका ।
प्रकाशित मिति: वि.सं. २०८१/०६/१६ (October 2 2024)
10/02/2024
विजया दशमी २०८१ को अवसरमा विदा सम्बन्धमा सूचना
प्रस्तुत विषयमा हिन्दुहरुको महान पर्व विजया दशमीको पावन अवसरमा यस श्री खड्गकाली मा.वि. चापाकोट–४, घुर्लिचौर, स्याङ्जामा मिति २०८१ असोज १७ गते घटस्थापनादेखि कार्तिक १ गते कोजाग्रत पूर्णिमासम्म दशैं विदा हुने व्यहोरा जानकारी गराईन्छ ।
* पुनश्चः कार्तिक २ गते शुक्रबार स्थानीय विदा र कार्तिक ३ गते शनिबार रहेकाले कार्तिक ४ गते आइतबारदेखि नियमित विद्यालय सञ्चालन हुनेछ ।
हिन्दुहरुको महान् पर्व विजया दशमी २०८१ को शुभकामना पत्र
शुभकामना ! शुभकामना !! शुभकामना !!!
हिन्दुहरुको महान् पर्व विजया दशमी २०८१ को पावन अवसरमा सम्पूर्ण विद्यार्थी, शिक्षक एवम् अभिभावकहरूमा सुख, शान्ति, सुस्वास्थ्य, दिर्घायु तथा उत्तरोत्तर प्रगतिको हार्दिक मंगलमय शुभकामना व्यक्त गर्दछौ ।
प्रधानाध्यापक
तथा
श्री खड्गकाली मा. वि. परिवार
9/26/2024
खड्गकाली भित्ते पत्रिका प्रकाशन (कक्षा - ७) - मिति २०८१ असोज ०९
श्री खड्गकाली मा.वि. चापाकोट ४, घुर्लिचौर, स्याङ्जाका कक्षा ७ मा अध्ययनरत विद्यार्थीहरुद्वारा प्रकाशित खड्गकाली भित्ते पत्रिका ।
प्रकाशित मिति: मिति २०८१/०६/०९ (September 15, 2024)
9/23/2024
हार्दिक श्रद्धाञ्जली - सिता देवी यादव
सप्तरी जिल्ला महादेवा गाउँपालिका वडा नं. ३ निवासी यस श्री खड्गकाली मा.वि. का माध्यमिक तह शिक्षक जगदिश प्रसाद यादवको ममतामयी माता सिता देवी यादव को मिति २०८१ भाद्र ३१ गते ७८ वर्षको उमेरमा भएको अकल्पनीय र अप्रत्यासित निधनले हाम्रो विद्यालय परिवार अत्यन्त मर्माहत भएका छौँ । यस दुःखद् घडीमा मृतात्माको चीर शान्तिको कामनाकासाथ हार्दिक श्रद्धाञ्जली अर्पण गर्दै शोकाकुल परिवारजनप्रति गहिरो समवेदना व्यक्त गर्दछौँ ।
नव नियुक्त शिक्षक राजकुमार मानन्धरलाई स्वागत गरिँदै
श्री खड्गकाली मा.वि. चापाकोट-४, घुुर्लिचौर, स्याङ्जामा नव नियुक्त माध्यमिक तह संघीय अनुदान शिक्षक राजकुमार मानन्धरलाई स्वागत गरिँदै ।
9/22/2024
श्रुती लेखन, वक्तृत्वकला र विज्ञान प्रदर्शनी कार्यक्रममा सहभागी विद्यार्थीहरु तथा शिक्षकहरुलाई सम्मानित तथा पुरस्कृत गरिँदै
श्रुती लेखन, वक्तृत्वकला र विज्ञान प्रदर्शनी कार्यक्रममा सहभागी विद्यार्थीहरु तथा शिक्षकहरुलाई सम्मानित तथा पुरस्कृत गरिँदै 💕
9/21/2024
राजकुमार मानन्धर - शिक्षक
श्री खड्गकाली माध्यमिक विद्यालयको माध्यमिक तहका गणित शिक्षक राजकुमार मानन्धर, शिक्षा क्षेत्रमा आफ्नो उत्कृष्ट योगदानका लागि परिचित हुनुहुन्थ्यो। मिति २०८१ असोज ४ गतेदेखि यस विद्यालयमा कार्यरत रहनुभएका उहाँले आफ्नो गहन ज्ञान र विशिष्ट शिक्षण शैलीमार्फत विद्यार्थीहरूमा सकारात्मक परिवर्तन ल्याउनुभएको थियो। उहाँको समर्पण र परिश्रमले यस विद्यालयको शैक्षिक वातावरणलाई थप समृद्ध बनाएको थियो।
मानन्धरको शिक्षण शैली परम्परागत विधिभन्दा भिन्न र नवीनतम थियो। उहाँले विद्यार्थीहरूलाई मनोवैज्ञानिक तथा बालमैत्री वातावरणमा अध्यापन गराउनुहुन्थ्यो, जसले गर्दा उनीहरूले गणितजस्तो विषयलाई पनि डर र दबाबमुक्त भई सिक्न सक्थे। उहाँको खुबी भनेकै विषयवस्तुको सैद्धान्तिक ज्ञानलाई व्यावहारिक र जीवनोपयोगी बनाउनु थियो। यसरी उहाँले विद्यार्थीहरूलाई केवल परीक्षामा उत्तीर्ण हुने सीप मात्र नभई, वास्तविक जीवनमा गणितको प्रयोग गर्न सक्ने क्षमता विकास गराउनुभएको थियो। उहाँको प्रभावकारी शिक्षणका कारण विद्यार्थीहरूमा विषयप्रतिको रुचि बढ्नुका साथै उनीहरूको सर्वाङ्गीण विकासमा पनि महत्त्वपूर्ण योगदान पुगेको थियो।
राजकुमार मानन्धरको व्यक्तित्व शिक्षाको परिधिमा मात्र सीमित थिएन। उहाँको गहन रुचि र दखल विभिन्न क्षेत्रहरूमा फैलिएको थियो, जसले उहाँलाई एक पूर्ण र परिष्कृत व्यक्तित्वको रूपमा प्रस्तुत गर्छ। विज्ञान-प्रविधि, गणित, कला, साहित्य, र अन्य सामाजिक क्षेत्रहरूमा उहाँको विशेषज्ञताले उहाँको व्यक्तित्वलाई थप आकर्षक बनाएको थियो। यी अतिरिक्त क्षमताहरूले उहाँको शिक्षणमा पनि रचनात्मकता र गहिराइ थपेको थियो। साथै, उहाँ विभिन्न सामाजिक कार्यहरूमा पनि सक्रिय सहभागी हुनुहुन्थ्यो, जसले उहाँको सामाजिक उत्तरदायित्व र मानवीय संवेदनशीलतालाई दर्शाउँथ्यो। राजकुमार मानन्धर एक आदर्श शिक्षक मात्र नभएर एक प्रेरणादायी व्यक्ति पनि हुनुहुन्थ्यो जसले आफ्नो ज्ञान, अनुभव र समर्पणले समाजमा सकारात्मक प्रभाव पारिरहनुभएको थियो।
संक्षिप्त विवरण
- नाम थर: राजकुमार मानन्धर
- जन्म मिति: 2055-09-20
- स्थायी ठेगाना: चापाकोट-५, स्याङ्जा
- नागरिक: नेपाली
- नागरिकता नं.: 422018/843
- शैक्षिक योग्यता: स्नातक (गणित)
- विद्यालयमा नियुक्ति मिति: 2081-06-04
- तह: मा.वि. (तृतीय श्रेणी)
- सम्पर्क नं.: 9803207652
- इमेल: rajkumar@khadgakalischool.edu.np